"Наурызнама" іс-шаралар жоспарына сай 17 наурыз Мәдениет және ұлттық салт-дәстүр күніне орай "Бесікке салу" дәстүрі ұйымдастырылды.

№2 Аспара  ЖОББМ 2025 жылдың 14-23 наурыз аралығында өтетін "Наурызнама" іс-шаралар жоспарына сай мектебімізді 17 наурыз  Мәдениет және ұлттық салт-дәстүр күніне  орай "Бесікке салу" салт -дәстүрі ұйымдастырылды.   Ұлттық салт-дәстүр  — бұл ұлттың ғасырлар бойы қалыптасқан өмір сүру қағидалары, әдет-ғұрыптары мен мәдени құндылықтары. Салт-дәстүр әрбір ұлттың өміріндегі ерекше маңызды компонент болып табылады және ұрпақтан ұрпаққа ауысып, мәдениеттің, тілі мен рухани байлығының негізі болып табылады.     Бесікке салу — нәрестені алғаш бесікке бөлеу рәсімі. Бесікке саларға шақырылған ауыл-үйдің әйелдері шашуын, жол-жоралғысын ала келеді. Баланы алғашқы бөлеу үлгілі ұрпақ өсірген қадірменді әйелге тапсырылады. Ол өзінен басқа тағы бір-екі келіншектің көмегімен бесікті жабдықтайды, сәбидің әжесі не шешесі түбектің тесігінен балаларға тәтті үлестіреді. Осыдан кейін бесікті отпен аластап, баланы бөлейді. Бесікке салған әйелдерге көйлек, жаулық сияқты сый тартылады. Үлкендер батасын беріп, баланың ер жетуіне, ананың үбірлі-шүбірлі болуына тілектестік білдіреді.